الشـــــــروق الإدفـــــــــوى

الشروق الإدفوى

https://edfusunrise.blogspot.com/ https://edfusunrise.blogspot.com/ https://youtu.be/4vmw0NnpAb4 .............................................................. ...................................................................... ................................................................................ ................................................................................. .......................................................................... ............................................................................. er="0" allowfullscreen="true" allow="autoplay; clipboard-write; encrypted-media; picture-in-picture; web-share" allowFullScreen="true"> .................................. .................................... .................................................................................. ...................................................................................... https://youtu.be/Xo3Ou_rFF8Q?t=3 ...................................................................................... ................................................................................... https://youtu.be/Xo3Ou_rFF8Q?t=3 ................................................................................... https://edfusunrise.blogspot.com/ ................................................................................ ................................................................... https://youtu.be/Xo3Ou_rFF8Q?t=3....................... ...................................................................................... .................................................................................. ................................................................... https://edfusunrise.blogspot.com/ https://edfusunrise.blogspot.com/ .......................................................................

الإعلان ........................................................................ ..............................................................

.................................................... الترحيب

مرحبا بكم

الترحيب .................................................................... .........................................................................

الجمعة، 29 مارس 2019

ترتيل البوستات الصباحية لأنواع الحب - الشاعر المبدع ناجى عبد المنعم

الخميس، 28 مارس 2019

أنا أمى ماتت من خمستاشر سنة- للشاعر الكبير ناجى عبد المنعم

أنا أمى ماتت
من خمستاشر سنه
-------------------
للشاعـر
ناجى عبد المنعم

--------------------

طَـلِّ الصباح
من طرْف شِيش الليل -
وِشَـقْـشَـقْ ع الشجر
فَـرَكِتْ حمامه عْـنِيها من -
أثَـرِ الضِّـيَـا
وْشَـدَّتْ شُعاع -
من نِنِّ عـين الشمس كان -
من فرحِـتُـه بِـطْـلوع بدايات النهار
( نَـطِّ انتشر )....!!
وِاسْـتَـفْـتَـحِـتْ -
بغـسيل عِـنِـيها وْوِّشَّـهَـا
من طَـلِّ أوراق الشجـر
وِاتْـنَـشِّـفِـتْ
من نور شعاع الصبح وِسْكُـون البشر
وف لحظة الشبع المؤكد -
للبداية النرجسيه لَـفَّـتُـهْ -
على غُـصْن زيتون وابتدت
ترمى ابتهاجها للزغاليل والهوا
صوت الهديل
فَـوَّقْـنى من غَـيْـبُـوبة الليل والسَّـحَـر
وِرَفَـعْـتْ رمشى لِـفُوق.. لَـقِـيـتْ
كل الزغـاليل فى ابتهاج
بيقدموا غـصن الزتون
أجمل هـديه لأمُّـهُـمْ
لَـطَـشِـتْـنى نُـوبَـهْ من الجنون
فَ جْرِيت ..على البيت العـتيـق
وِغَـسَـلْـتْ وِشِّـى من تراب –
عَـفَـرِ الزمن
وِحَلَقـتْ دَقْـنى وابتديت -
أختار مابين أجمل ملابسى
فالنهارده...
- عـيد حبيبتى أمى -
ينبوع الـمِـنَـنْ
واخترت أجمل شىء
فى باترينة الهدايا والعـطـور
رفرف وَجِيب القلب من -
لحن التَّـشَـهِّـى والهوى
( طاير أنا فوق السحاب )
وباغـنِّـى لحن -
الأم لنجوم السما
" ست الحبايب يا حبيبه
يا أغلى من روحى ودمى
يا حنـيِّـنه وكلك طيبه
يارب خليكى يا أمى "
وشريط طويل -
من ذكريات أمى الحبيبه -
يداعب القلب الجميل
( صرخة ميلادى وانتباهها -
بكل شوق الدنيا من وَجَعِ المَـخَاض /
فرحة عينيها لمَّا كنت أحْبِى واقَعْ /
أول خطاوى سِـكِّـتِى /
السَّاندوتش وزمزمية مَـيَّه –
فْ شنطة كُـتُب للمدرسه /
زغروطه أجمل من تراتيل السما -
لما نَجَـحْـتْ وكنت م المُـتَـفـَوِّقِـيـن /
تمريضى لما نزلة البرد اللعـينه –
فى غـفله منها - تْمِسِّنى /
حدوتة الشاطر حسن /
وشراب وجزمة سندريللا المفقودين /
حِـفْـظِ الكتاب من جزء عَمَّ –
لْـحَـدِّ سورة الواقعه /
سهر الليالى
وحكمة تِـتْـجَـدِّدْ –
يوماتى وكل يوم -
أعرف جديد )

ياه.. يا مه.. ياه
الكون بحاله مايِـكْـفِيـنِـيـش
ولا عمرى كله -
يْـوَفِّـى لحظة خوف على –
إبنك وليدك.. والـقـلـق!!
فاضل خطاوى وارتمى -
فى قلب حُـضْـنِـك واستعـيد –
شىء من حنانك -
يبنى نَـفْـسِى من جديد
وف نفس لحظة عـشقى -
لبداية اللقا
بَـصَّـتْ لى ( أختى ) من بعـيد
وِرِمَتْ لى بسمه كاذبه
ودموعها فـوق الخد فانـتـابنى الفـزع
كات لابسه توب إسود كئيب
والطرحه من فَـرْط الهموم
أَكَـلِـتْ جوانب وِشَّـها
والورد كان فى إيديها
تايه فى النحيب!!
قالت لى:
يالله نزور مقابر الغـفـير
أنا جِـبْـتْ ورد لأمِّـنا
أخدتنى دوامة الصراع -
ضد الزمن
وِصْـحِـيتْ من الحلم الجميل
وخطوط تجاعيد السنين
إتْـجَـمَّـعِـتْ فوق الجبين!!
والحزن كَـشَّـرعن سنانه وْشَـدِّنى
من نشوة الشوق والحنين
آه.. يامه.. آه
( أنا أمى ماتت
من خمستاشر سنه )!!
من يُـومها لا شْـرِبْـتْ الحنان
ولا زارنى فى الحلم الهنا
وِمْشِـيت أنا -
واختى الطريـق
وكأننا
ماشيين فى بحر من الرمال
والـهَـمِّ شارب دمِّـنا
بَـصِّـيـت على قـبر الحبيبه أمِّـنا
من بين سيول الدمع
والشوق والحريق
سَـبَـقِـتْـنَـا للقبرالحمامه بخطوتين
وِاسْـتَـحْـضَـرِتْ
صوره لأمى
بالعـباية الخضرا والطرحه الحرير
حَـطَّـتْ على القبر العـتيـق -
غـصن الزتون
وشعاع من الصبح الحزين –
وِرِمَـتْ لى بسمه وكلمتين -
جَـمَّـعْـتُـهُـمْ جُـوَّه الوريد
وِجْريت عشان أحضن صُورِتها
فالتقيتنى – للأسف –
باحضن فى أجمل صوره
من وهم وأنين!!!
-----------------------------------
من ديوان ( قابلينى تحت المشنقة )
للشاعر ناجى عبد المنعم
طبعة أولى 2015 دار بنت الزيات

شاعر العامية وكاتب المسرح الكبير: الأستاذ ناجى عبد المنعم

تنسيق مصرى ـ إماراتى لمواجهة تحديات الشرق الأوسط.. السيسى وبن زايد: نرفض أى تدخل خارجى فى شئون الدول العربية

تنسيق مصرى ـ إماراتى لمواجهة تحديات الشرق الأوسط.. السيسى وبن زايد: نرفض أى تدخل خارجى فى شئون الدول العربية: تنسيق مصرى ـ إماراتى لمواجهة تحديات الشرق الأوسط السيسى وبن زايد نرفض أى تدخل خارجى فى شئون الدول العربية...