الشـــــــروق الإدفـــــــــوى

الشروق الإدفوى

https://edfusunrise.blogspot.com/ https://edfusunrise.blogspot.com/ https://youtu.be/4vmw0NnpAb4 .............................................................. ...................................................................... ................................................................................ ................................................................................. .......................................................................... ............................................................................. er="0" allowfullscreen="true" allow="autoplay; clipboard-write; encrypted-media; picture-in-picture; web-share" allowFullScreen="true"> .................................. .................................... .................................................................................. ...................................................................................... https://youtu.be/Xo3Ou_rFF8Q?t=3 ...................................................................................... ................................................................................... https://youtu.be/Xo3Ou_rFF8Q?t=3 ................................................................................... https://edfusunrise.blogspot.com/ ................................................................................ ................................................................... https://youtu.be/Xo3Ou_rFF8Q?t=3....................... ...................................................................................... .................................................................................. ................................................................... https://edfusunrise.blogspot.com/ https://edfusunrise.blogspot.com/ .......................................................................

الإعلان ........................................................................ .............................................................. .................................................... الترحيب

مرحبا بكم

الترحيب .................................................................... .........................................................................

الأربعاء، 9 يناير 2013

( يا مغنواتي) لشاعر العامية الراحل /حجاج الباى

( يا مغنواتي) لشاعر العامية الراحل /حجاج الباى

المرحوم الشاعر حجاج الباى

قول يا مغنواتي قول.. وتِّر وسمعنا
لما الربابة تئن..يمكن قلوبنا تحِن..والشوق يجمعنا
قول يا مغنواتي قول..والله ماضيعنا
إلا سُكات الطير عن المغنى
دا الليل مالوش معنى
إلا الرباب إن قال
وإتسحب الموال على جرح يوجعنا

( يا أهل بلدي) لشاعر العامية الراحل /حجاج الباى

( يا أهل بلدي) لشاعر العامية الراحل /حجاج الباى

الشاعر المرحوم حجاج الباى

يا أهل بلدى يا قوتها الحقيقية
من خلف ستر الغيب بناديكم
وأنده عليكم وين ما تكونوا
يا مثقفين يا فلاحين
يا جنود ويا عمال
يا أصل التحالف ويا شكله ويا مضمونه
بدى أرسيكم وأقول ليكم
إن الصباح مخنوق بلا ديه
أمات زراير دهب
وياقات منشيه
وأمات كلام جعجاع
حملة شعارالإشتراكية
والأصل هما البرجوازية
لفوا الكلام حوالين رقبته حبال
سقط الصباح مخنوق بِلا ديه
يابلاديا بس التمن غالى
يا أهل بلدى ياقوتها وعزوتها
يا رى ميتها يانبت تربتها
بلادى عروسة ومهرها غالى
صاحبة مزاج عالى
طالبة العريس بالمقاس تفصيل
أسمر وشارب من عكار النيل و القلب شفافي والدم خفافي
قوال بقول مواويل
لاكنه في الصابي - مجدع ومتعافي
لا يون فـ إيدو لجام
فارس
ولا عـ الركاب بيميل
مقدام فداوي أصيل
الموت لا يهابه
لو دق على بابه فـ سواد الليل
قيصر هجم والروم دايسين على سينا
راسيين على ترابها
يا أهل بلدي يا قوتها ورسمالها
شبانها ورجالها نسوانها وعيالها
ياللي أنتوا مصر ومصر بيكو تكون
أيوه العسير بيهون
بس التمن غالي
يمكن يكون مليون أكتر أقل
النصر بيه مرهون
لاكن أكيد مضمون
طيب وعهد الله إللي برا الأديان
وبداها بالتوراه وتناها بالإنجيل
وختمها بالقرآن
إحنا خصيمنا جبان
من قبل هذا العصر
يحكى التاريخ ويقول
داسو العدا على مصر
مره وميه وألف
الكتف جنب الكتف والصف خلف الصف
والصف ميه وألف
فى الاولانيه هكسوس تتار مغول
والتانية صليبية
والتالته هى دية
الإسرائيلية والأمريكانية
والامر كان نيه وبايتالنا
والقصد والنية
روحنا النضالية
الثورة ورجالنا والسد وكنالنا
والإشتراكية
يا أهل بلدى يا قوتها الحقيقية
آن الأوان نتلم ونعدى بحر الدم
لجل الرصاص ما يون
ويشن فى المليان
لجل اللى كان مايكون
ويصحى مالطه أدان

( نداء للمصريين) لشاعر العامية الراحل /حجاج الباى

( نداء للمصريين) لشاعر العامية الراحل /حجاج الباى

الشاعر المرحوم حجاج الباى

يا مصريين:
يازارع الطهر في غيطان أبونا يوسف الصديق
حا ييجى الضيق وألف صديق حا يتحسب كما الديدان
مليس الجلد تعبانى وحربانى
مغير جلده من تانى
مسيخ الكون صفيق الوجه شيطانى
خدوا بالكم حا ييجى بكلمه مُغرية وبسمة حب ورديه
ويفتح باب على مصراع خِداع الندل والكدّاب
شجيع الكون كمثل الدون كما فرعون
بجبه مره أو قفطان وكوفيه ومره البيبه ملويه
ومره قصيده شعريه
بتنزف دمعة الحزنان على اللى كان
وبالإنجيل وبالقرآن وكل كتاب
حا يحلف إنه خدامك ومن خلفك وقدامك
لاكين كداب.. لاكين نصاب
بيتمسكن ليتمكن ويهجم هجمه تتريه
صليبيه
وأصل الرك عـ النيه
خدوا بالكم يا فنديه
يا شعرا يا كتاتبيه
وطاويطهم مغـميه
وضحكتهم مصد يه
بيارقهم بتحضن جمجمه وعضمه
ورايتهم يمينيه يساريه
خدوا بالكم يا فنديه
يا شعرا يا كتاتبيه